15 ka balay naugdaw

CEBU, Philippines - Mikabat sa dul-ang P300 mil ang balor sa 15 ka balay ug edipisyo nga naugdaw sa duha ka sunog nga miigo sa habagatang distrito sa dakbayan sa Sugbo kagahapon sa kaadlawon.

Ang unang nasunog mao ang   Kirshin Apparel building usa ka bodega   nga nahimutang sa sitio Lower San Roque, barangay Pardo, sa alas 3:55 sa kaadlawon samtang ang ikaduhang sunog nahitabo alas 5:08 sa buntag sulod sa St. Jude, Phase 2, barangay Bulacao, usa ka kilometro gikan sa Pardo, diin 14 ka balay ang naugdaw ug duha ang igo lang nakan-an sa kayo.

Ang sunog sa Lower San Roque nakontrolar sa kabomberohan sulod ra sa   usa ka minuto         

Si Tertuliaw Tolentino maoy tag-iya sa building nga nasunog nga giabangan sa usa ka Marilyn Lim nga mihimo niining warehouse sa mga panapton ug pipila ka makina sa panahi.

Gibana-bana nga mokabat sa P25 mil ang danyos.

Apan wala pa gani mahuman ang kabomberohan sa pagtin-aw sa palibot sa maong lugar,   mitumaw na usab ang ikaduhang sunog nga miigo sa St. Jude Phase 2 sa Bucalao.

Subay sa pasiunang imbestigasyon ni FO2 Emeliano Daño nasayran nga nagsugod ang kayo sa balay nga gipanag-iya sa kanhi pulis nga si Jonathan Alcover ug daling mikaylap ang kayo sa kasikbit nga mga balay sa iyang mga igsoon ug ginikanan. Si Alcover igsuon ni Kongresista Anad Partylist Pastor Jun Alcover.

Gibana-banang mokabat og P250 mil ang danyos sa maong sunog.

Si Jonald, giingong hubog ug maoy katapusang tawo nga nakit-an nga misulod sa balay sa wala pa ang sunog

Ang kabomberohan nagpadayon pa sa ilang imbestigasyon sa arson o kaha faulty electrical wiring ang hinungdan sa maong mga sunog.  - BANAT NEWS