Piyado sa Internet gipusil patay
CEBU, Philippines - Usa ka piniyalan sa internet café ang gipusil patay sa nag-inusara apan wala hiilhing mamumuno didto sa barangay Pasil ning dakbayan sa Sugbo sa miaging gabii. Si Marfran Bariguit Jaca, 45, nakabsan sa iyang kinabuhi sulod sa Cebu City Medical Center (CCMC) tungod sa samad pinusilan nga iyang naangkon sa iyang lawas.
Ang mga miresponding pulis na maoy midala kaniya sa tambalanan.
Sa pasiunang imbestigasyon nga gihimo sa mga sakop sa Homicide Section sa Cebu City Police Office (CCPO) nagbutyag nga ang biktima padulong sa internet café sa dalan F. Flores Street, barangay Pasil nga iyang gitrabahoan.
Sa dihang milabang na kini sa karsada paingon sa internetan, usa ka wala hiilhing tawo ang miduol ug nipusil kaniya.
Ang mga imbestigador nakapunit og kabhang sa kalibre .45 nga pistola sa crime scene. (BANATNEWS)
- Latest
- Trending
