BRGY. PULPOGAN, CONSOLACION, CEBU ... Ikaw lang ako pahibaw-on sir bahin aning suyopanan sa among lugar nga tag 10pesos ang bayad matag tawo nga mosuyop, ilado kaayo ning tawhana diri.
BRGY CATOLOHAN, DALAGUETE, CEBU ... Sa sitio Aminsao kay among karsada pwerte na gyong libaunga, naglibog gyod mi ngano wa atimana nga unta agian man unta ni padung sa vegetable market. Bgry. Calero, Liloan, Cebu ... Wa man gyod tiwasa ang karsada kay gisigihan lang og kobkob pero wa na atimana labi na ang dapit sa tungason padung sa tabay lapok na hinoon kaayo.
BRGY. POBLACION OCCIDENTAL, CONSOLACION, CEBU ... Palihog mi sa mga opisyal sa barangay nga ipabadlong nang mga habalhabal driver nga pataka lang og pangihi diha atbang sa tinong.
BRGY. BAKHAWAN, DAAN BANTAYAN, CEBU ... Daghan kaayo ang adik diri kay daghan kaayo’g baligyang shabu pero wala gyod madakpi kay naay nagpaluyo nga polis.
BRGY. PAKNAAN, MANDAUE CITY .... Daghan kaayo mga kalihukan nga illegal diri sa among lugar pero wa gyod mi kabantay nga naay gibuhat among mga opisyal sa barangay.
BRGY. BULACAO, CEBU CITY ... Ang among kapitan wa man gyod kabadlong aning sugal sa sitio San Vicente saba kaayo kay magbinuntagay ni sila.
BRGY. CASUNTINGAN, MANDAUE CITY ... Sir amo lang ipaabot nimo kay midagsang na ang shabu diri sa may Telecom, wa man gyoy nahimong aksyon ang kapolisan ug ang mga opisyal sa barangay.
BRGY. BANKAL, LAPULAPU CITY ... Amo lang ireklamo ang dalan diri sa Kagudoy ug Camella Homes dagko na kaayo ang bangag wala gyod atimana sa natungdan nga ahensya.
BRGY. PARIAN, CEBU CITY ... Mangayo unta mi tabang sa mga opisyal sa barangay nga badlungon nang pakusog nga sonata daplin sa karsada diha dalan Mabini ug Bonifacio kay hasol kaayo.
BRGY. TEJERO, CEBU CITY ... Sa sementeryo sa Osmeña daghan kaayo’g kawatan nga manaka sa kabalayan, amo ni gi-report sa trs pero wa gyod pakabana.
BRGY. DON G ANTIGUA, BORBON, CEBU ... Ang karsada namo diri wala gyod ni atimana sa among mga opisyal nga dugay na ning problema unya hitak na kaayo ang dalan.
BRGY. LABANGON, CEBU CITY ... Sa sitio Bon-ami Katipunan daghan na kaayo illegal nga drugas, naa pay mga pusher diha tapad sa tindahan sa blue ice.
BRGY. CANDUMAN, MANDAUE CITY ... Palihog intawun mig pasusi aning mga internetan ug computeran kun naa ba ni mga permit kay buntagay man gud ni ilang operation.
Happy birthday nilang MARITES VELIGANIO ug MA. JUVYLEN VELIGANIO, alang sa inyong mga reklamo text lang sa 09071678643.