EDSA usa ka "unfinished struggle"- Trillanes

TAGBILARAN CITY, Philipines  – Gihulagway ni Senador Antonio Trillanes ang selebrasyon sa EDSA Revolution nga susama og “unfinished struggle” alang sa reporma ug kausaban sa panggobiyerno.

“Sa totoo lang, hindi pa tapos ang laban tungo sa pagbabago,” matud pa niini sa eksklusibong interbyu kaniya diha sa Dumaluan Beach Resort sa Panglao kagahapon diin siya giabi-abi ni kanhi Panglao Mayor Dr. Doloreich Dumaluan.

Sa sayo pa nianang adlawa, ang senador nakigkita sa mga buot masakop sa Samahang Magdalo- Tagbilaran chapter nga gipangulohan sa ilang provincial coordinator nga si Jerry Pabe sa Barangay Cogon hall sa Tagbilaran City.

“EDSA revolution is just a symbol,” matud pa sa senador nga kini pagpakita sa kasaysayan sa nasud nga nahimo sa katawhan ang paghiusa aron mausab ang sistema sa panggobiyerno.

Ang EDSA gikutlo sa pangalan ni Epifanio De Los Santos Avenue diin nahitabo ang People Power Revolution niadtong Pebrero 1986 nga miresulta sa pagkalagpot ni kanhi Presidente Ferdinand Marcos.

Hinuon si Trillanes nagkanayon nga kinahanglan lang nga ipadayon sa kasamtangang administrasyon pinangulohan ni Presidente Benigno Aquino III ang misyon niini.

 “He (P-Noy) should constantly remind himself kung bakit siya tumakbo ng pagka-Pangulo at ngayong panalo na siya huwag niyang kalimutan ang kadahilanan na ‘yon. Maraming kababayan na umaasa sa kanya,” matud pa sa senador.

Hinuon sa pagtan-aw ni Trillanes nagsubay gihapon sa hustong dalan si Aquino kung ang hisgutan mao ang kampanya batok kurapsyon diha sa gobiyerno ug reporma sa Armed Forces of the Philippines.

 “In other aspect of governance in economic development and poverty alleviation, he has so much work to do because these are matters that affect the lives of the people,” dugang pasabot ni Trillanes.  (BANATNEWS)