Kaslunon nakakita'g rambol patay

CEBU, Philippines - Patay ang usa ka 25-anyos nga kaslunon samtang talandugon ang manghod niini human sila madunggabi dihang nakakita ang duha og away sa ilang pagtan-aw og duwa nga volleyball sa bukirang bahin sa barangay Tubod sa lungsod sa Sibonga niadtong Domingo sa alas 4:30 sa hapon.

Dead on the spot si Jonathan Santarita, 25, samtang gidala ang manghod niining si Jason, 23, tungod sa samad dinunggaban human sila madunggabi sa gipasanginlang suspek nga si Jerwin Desierto,30, kinsa gipangita pa karon.

Matud ni SPO1 Antonio Sanchez sa Sibonga Police Station dihang nahinabi sa Banat News ang mga biktima ug ilang maguwang nga si Jovan nanan-aw sa duwa nga volleyball sa maong dapit ug nag-inom.

Dangtan pila ka oras giingong nangahubog sila ug giingong nanghagis hinungdan nga usa ka Patricio Pones,75, ang mibadlong kanila apan ilaha kining gitabangan og kulata.

Si Pones bisan sa edaran ug nahapsan pa og bato nakahigayon sa pag-eskapo apan sa pagbalik sa managsuon nakakita og sinukmagay ang ilang maguwang ngadto sa suspek ug sa igsuon sa naulahi nga si Ronald.

Apan ang biktima nga si Jonathan milaban ug gisuwayag dunggab ang suspek apan nailogan kini sa kutsilyo ug mao na hinuoy gidunggab sa kilid ug ubang dapit sa lawas samtang sa bukobuko naigo si Jason. (BANATNEWS)