Lito O mokandidato pagka-mayor sa Talisay?

CEBU, Philippines - Ang grupo sa oposisyon sa dakbayan sa Talisay nangandam na sa eleksiyon sa tuig 2013, kansang kandidato sa pagka-mayor ug bise mayor posibleng mao si kanhi gobernador Lito Osmeña ug ang anak niining si Mimo Osmeña, matud ni Konsehal Romeo Villarante.

Si Villarante mibutyag sa Banat News ang mga kandidato nila nga   sakop sa Liberal Party (LP) pulos lig-on gikan sa mayor, bise mayor, ug mga konsehal.

Hinuon matud niya nga temporaryo pa ang sitwasyon tungod kay sa politika kasagaran ma-pinalisar ang line-up niini unya naman sa kataposang adlaw o deadline sa sinang-atay sa certificate of candidacy.

Sa pagka-karon ang oposisyon   padayon pang nangolekta sa tanang mga mokandidato sa partido aron pilion ug hashasan

“We need development oriented leader in Talisay, not only that somebody who has the resources to backup sa iyang campaign against the Gullas,” ni Villarante pa.

Gibutyag usab ni Villarante nga si kanhi bise mayor Aberdovey Belleza kaalyado gihapon karon sa ilang grupo.

Midugang ang konsehal nga kung modagan sa sunod nga eleksiyon si Belleza posibleng adunay compromising mahitabo.

Kahinumdoman nga si Belleza wala pa mokompirma nga modagan sa sunod eleksiyon apan mibutyag kining mosuporta sa iyang asawa nga si kanhi konsehal Shirley Belleza kinsa nagplanong magkonsehal sa maong dakbayan ubos sa independenteng partido.

Si Villarante midugang nga silang mga oposisyon sa konseho sa Talisay lig-on ang ilang baroganan ug dili mahitabo nga motapon sila sa administrasyon.

Si Konsehal Val Ylanan ug Danny Caballero ang mga kaalyado ni Villarante sa konseho.  - BANAT NEWS