Tomboy naghikog bisperas sa Valentine's Day
CEBU, Philippines - Dili tanang adlaw sa adlaw sa managhigugma malipayon alang sa tanan sama niining gihimo sa usa ka tomboy nga napalgang patay nga gidudahang naghikog sa bisperas sa Valentine’s Day tungod sa ilang relasyon sa kapuyong babaye.
Ang insidente nahitabo diha sa Upper Naalad siyudad sa Naga niadtong Lunes sa alas 2:00 sa hapon diin usa ka Marites Panilag, 30, nagpuyo sa maong lugar nga usa ka tomboy ang nagbitik sa iyang liog gamit ang extension wire.
Si Panilag sumala pa sa kapolisan adunay kapuyo nga ginganlan og Leny Canoot.
Matud ni PO1 Sherlina Gumapon sa Women Desk sa Naga City Police dihang nahinabi sa Banat News nga sa wala pa makit-ing patay si Panilag nakig-inom kini sa barkadang si Mark Kevin Obay.
Apan sa pag-uli niini sa ilaha giingong nagkalalis sila sa kapuyo tungod sa grabeng selos hinungdan nga milakaw si Canoot apan mao na diay kadto ang uwahi nilang panagkita.
Si Mark Kevin mao nay nakadiskubre sa patay’ng lawas nga nagbitay sulod sa balay ug nadiskubrehan sa tupad ni Panilag ang suicide note nga dunay nakasuwat nga gikapoy na kini. (BANAT NEWS)
- Latest
- Trending
