Insurance card gipanghatag ni Gwen

CEBU, Philippines - Agi og pagtuman sa iyang saad sa paghatag og kasiguroan sa mga mag-uuma ug mangingisda sa lalawigan, si Gobernador Gwendolyn Garcia uban ni 3rd District Congressman Pablo John Garcia miapud-apod sa mga certificate of insurance ug accident insurance card sa mga molupyo sa ikatulong distrito sa lalawigan sa Sugbo.

Sigun pa sa gobernador nga ang premium sa insurance alang sa mga tanom nga mais, humay ug mga pukot ug sakayan sa ikatulong distrito, mibalor og kapin sa P200 mil.

Nasayran usab nga mikapin sa 7 mil ka tawo ang gipasiguro sa Kapitolyo ubos sa Philippine Crop Insurance Corp.(PCIC) sa miaging tuig.

Ang pagpanghatag sa mga sertipiko sa pasiguro ngadto sa nahisgutang mga mag-uuma ug mangingisda gihimo sulod sa Barba Sports Complex.

Sila si third district Board Member Alex Binghay ug Caesar Ian Zambo miila sa kadako sa natampo sa programa ni Gobernador Garcia ngadto sa mga mag-uuma ug mga mangingisda nga nakapauswag sa   ekonomiya sa kalungsoran. (BANATNEWS)