Gunman sa ambush-slay sa jailguard nailhan
CEBU, Philippines - Nailhan na ang gunman sa nagpusil patay kang SJO1 Leo Labata niadtong Lunes sa hapon sa sitio Bajac sa barangay Poblacion lungsod sa Liloan.
Si Chief Insp. Richard Oliver, hepe sa Liloan Police Station nga nahinabi sa mga tigbalita nagkanayon nga duna na sila’y cartographic sketch sa gunman ug positibo kining giila sa duha ka mga saksi.
Matud ni Oliver ang mamumuno nalambigit na kaniadto sa mga pagpamusil apan wala na kini mohatag pa og dugang detalye gawas lang nga kini nailhan tungod sa kooperasyon sa mga saksi.
“If we arrest him mas dali na ang pag-identify ug pagdakop sa driver sa getaway vehicle,” matud niya.
“We are strengthening follow up operations to arrest the gunman as well as to identify the driver,” matud pa ni Sr. Supt. Patrocinio Comendador, hepe sa kapulisan sa probinsya.
Si Labata nagsakay og motorsiklo gikan nagkuha sa iyang anak sa tunghaan, gisundan sa mamumuno nga nagsakay usab og motorsiklo ug gipusil.
- Latest
- Trending
