Bucao planong modagan pagkamayor kung hataga'g higayon
CEBU, Philippines - Dunay plano si Bise Mayor Alan Bucao nanghinaot nga hatagan og higayong makadagan isip mayor sa dakbayan sa Talisay sa sunod eleksiyon sa tuig 2013.
Si Bucao nga nahinabi kagahapon sa Banat News nagkanayon nga sa sobra 15 ka tuig nga nagserbisyo sa publiko daghan na siya og nakat-onan.
“How I wish nga tagaan og higayon…., for more than 15 years on public service, I learned a lot,” matud pa niini.
Matud sa bise mayor nga kung dunay oportunidad nga ihatag kaniya iyaha kining dawaton dili niya usikan. “Opportunity knock once,” ni Bucao pa.
Hinuon matud usab ni Bucao nga hangpon usab niya kung isip Bise Mayor lang gihapon ang ihatag niyang kahigayonan.
Giklaro ni Bucao nga naghuwat lang siya sa desisyon sa iyang mga kapartido apan iyang gipanghinaot nga dili lang siya pasakitan aron dili usab siya mahagit. (BANAT NEWS)
- Latest
- Trending
