Milugos sa 6 anyos gikasohan

CEBU, Philippines - Gipasakaan og kasong pagpanglugos may kalambigitan sa Republic Act 7610 kon Child Abuse sa Cebu Provincial Prosecutor’s Office ang 16-anyos nga batang lalaki nga milugos sa iyang pag-umangkon nga 6-anyos.

Si Prosecutor Petronio Elesterio mipasaka sa kasong pagpanglugos ngadto sa korte kini human niya makit-i nga adunay igong basehan ang kaso batok sa suspek.

“ A preliminary investigation in the case was conducted on the basis of the sworn statements and other evidences submitted before me there is a reasonable ground to believe that a crime has been committed and that the accused is probably guilty thereof,” matud pa ni Elesterio. Ang 6-anyos mipasaka sa nahisgutang kaso uban sa iyang inahan batok sa half-brother sa iyang amahan. Sa gipanumpaang statement sa 6-anyos mipasangil ang bata nga kadaghan na siyang gipahimuslan sa iyang uyoan apan sa diha nga gipangutana kini kun asa siya gilugos wala na kini makatingog.

Base sa resolusyon, gibutyag nga nagsugod ang pagpanglugos niadtong buwan sa Agosto 23 sa miaging tuig sa panimalay sa biktima sa lungsod sa Minglanilla. Sa diha nga nasayran sa mga ginikanan ang nahitabo sa biktima dali kini nilang gidala sa Vicente Sotto Memorial Medical Center alang sa eksaminasyon ug nasayran nga nahilabtan gyud kini.

Samtang si Elesterio mipasabot nga iyang gipadad-an og summon ang suspetsado nga tubagon ang pasangil batok kaniya apan napakyas kini sa pagtubag. Walay piyansang girekomendar alang sa temporaryong kagawasan sa suspek. (BANATNEWS)