Larsian gipaabot nga mokita og P4.5 milyones

CEBU, Philippines - Gipaabot nga mokita ang panudlanan sa kagamhanan sa lalawigan ning tuiga og P4.5 gikan sa Larsian, sa may Fuente Osmeña, ning dakbayan sa Sugbo sumala ni Manlalaban Roy Salubre, ang tresurero sa lalawigan.

Matud pa ni Salubre nga dili lisud ang pagkab-ot sa maong target tungod kay nagsaka man ang kita sa Larsian sa matag tuig. Gani base record sa iyang buhatan, nasuta nga sa tuig 2011 misaka og kaping P200 mil ang kita niini busa nakaabot og   P3.750 milyones ang katibuk-ang kita niini sa maong tuig itandi sa tuig 2010 nga mikita lang og P3.5 milyones ang Larsian. Midugang sa Salubre nga kun mahuman na unya ang gipatahom nga Eco-Larsian, usa ka programa ni Governor Gwen Garcia, mahimo kining labing dakong attraction sa mga turista nga mobisita dinhi sa Sugbo, ug mosamot na unya ang kainila sa maong lugar nga makapasamot sa kinitaan sa Kapitolyo.  - BANAT NEWS