17-anyos misuway sunog sa balay

CEBU, Philippines - Usa ka 17-anyos nga lalaki ang napakgang sa mga bombero sa plano niining paghikog pinaagi sa pagsunog sa iyang kwarto kagahapon sa alas-3 sa hapon diha sa Osmeña Drive, sa barangay Labangon, dakbayan sa Sugbo.

Matud ni Comar nga kung dunay moduol sa menor hanaan kini og dunggab hinungdan nga ang pamilya niini nanawag na og tabang tungod kay nagpuot na sa aso ang kwarto.

Ang mga bombero nga miresponde napugos sa pagbomba og fire extinguisher ngadto sa menor hangtud kini nawagtangan sa panimuot aron lang sila makasulod sa kwarto ug mapawong ang kalayo.

“Iyang sunog panghadlok lang ‘to niya mora’g nagrebelde sa ilaha,” matud pa ni Comar.

Ang menor daling gidala sa Emergency Rescue Unit sa usa sa mga tambalanan sa dakbayan sa Sugbo samtang napawong dayon sa mga bombero ang kalayo ug wala na makakatap pa sa tibuok balay.

Pila ka minutos ang milabay laing alarma sa sunog diha sa dalan Manalili, barangay Ermita diin ang New York Handbag Factory nga tindahan og mga bags, payong ug uban pa maoy gikaon sa kayo.

Base sa report nagsugod ang sunog sa likod nga bahin sa ikaduhang andana sa maong establisamento nga daling mikatap ug milamoy sa P175 mil nga kabtangan.

Napugngan hinuon sa firewall sa maong edipisyo ang kalayo ug wala makatapon sa tupad nga buildings.Padayon pang gisusi ang hinungdan niini.