CEBU, Philippines - Miumento og P2 milyones kapin ang income o kita sa Cebu South Bus Terminal sa milabay’ng tuig itandi sa tuig 2010. Kini ang gitug-an ni manlalaban Roy Salubre sa mga sakop sa tigbalita nga misuta kalabot sa kinitaan sa Cebu South Bus terminal sa milabay’ng tuig.
Matud niya nga sa tuig 2010 mikita lamang kini og P52.8 milyones , samtang sa tuig 2011 miabot na kini og P54.5 milyones.
Kini tungod usab sa pagdaghan sa mga tawo nga mosulod sa nahisgotang terminal atol sa buwan sa Nobiyembre ug Disyembre nga mobiyahe ngadto sa habagatang bahin sa lalawigan. Gitataw usab ni Salubre nga karong tuiga mo-target sila og P60 milyones nga income sa maong terminal.
Dugang pa ni Salubre nga nunot sa pagsaka sa kita sa nahisgutang terminal labi nilang gipalig-on ang seguridad sa sulod ug sa gawas niini alang sa proteksiyon sa mga pasahero. Gawas niini ang kahinlo sa maong terminal giatiman pag-yo ilabi na karong nagsingabot nga kapistahan ni Sr. Sto. Niño sa dakbayan sa Sugbo. (BANATNEWS)