Motorsiklo gi-carnap

CEBU, Philippines - Nahanaw daw aso ang usa ka motorsiklo dihang gi-carnap kini sa wala hiilhing mga kiriwan didto sa barangay Basak-Ibabao, dakbayan sa Lapulapu kagahapon sa alas 2:00 sa kaadlawon.

Si Joel Pajuway Cardeno, 41, minyo nga maoy tag-iya sa maong motorsiklo nga usa ka Yamaha, Xl 110, kolor blue, nga may plate number 8954GA mibutyag nga iya kining   gi-parking sa atubangan sa iyang balay sa Basak-Ibabao dihang pagmata nila sa pagkabuntag nawala na ang maong butang.

Iya dayong gi-report ngadto sa kapolisan sa dakbayan ang maong hitabo nga maoy gisentro karon sa mga otoridad ang pagpangita sa maong motorsiklo.

Tungod niini giawhag  sa kapolisan ang publiko nga dili angayang mokompiyansa   sa pagbilin-bilin og unsa mang butang bisan asang dapita.

Hinuon giawhag usab sa   biktima ang makakita sa iyang motorsiklo nga mahimo rang mokontak kaniya sa cell phone number 09069134917. (BANATNEWS)