Radaza maoy mitunol sa hinabang

CEBU, Philippines - Personal nga gitunol ni Lapulapu City Mayor Paz Radaza uban sa mga opisyal sa dakbayan sa Lapulapu ang P5.5 milyones nga hinabang ngadto sa dakbayan sa Cagayan de Oro City ug Iligan City alang sa mga nabiktima sa baha atol sa bagyong "Sendong" sa milabay’ng semana.

 Si Mayor Dongkoy Emano sa Cagayan de Oro kinsa maoy midawat sa maong hinabang nagpasalamat kang Mayor Radaza, ug sa mga kauban niini nga sila si Vice Mayor Marcial Ycong ug mga konsehal nga sila si Harry Radaza, Junrey Gestopa, Florito Puzon, Eduardo Cuizon, Rudolfo Potot ug Efren Herrera

Gikan sa Cagayan de Oro milahos ang grupo ni Radaza ngadto sa Iligan City ug didto gitunol na usab nila ang P500 mil sa mga opisyal sa maong dakbayan.

Matud pa ni Radaza nga ang maong kantidad makatabang  na sa panginahanglan sa mga nabiktima sa maong trahedya didto sa duha ka dakbayan nga nasugamak niini.

Nagpasalamat usab siya sa mga konsehal sa dakbayan sa Lapulapu nga wala magpanuko sa paggahin sa maong kantidad aron ikatabang sa mga nanginahanglan niini. (BANATNEWS)