Lay minister mireklamo wa pakalawata

CEBU, Philippines - Dul-an 20 ka mga Lay Minister ang mireklamo kagahapon gumikan kay wala na sila pakalawata sa mga kaparian sa lungsod sa Minglanilla.

Ang maong mga Lay minister nga nagpanon ngadto sa buhatan ni Archbishop Jose Palma nagkanayon nga sukad ibulgar nila ang pakighilawas sa maong mga pari sa ilang mga uyab sa kilid sa simbahan sa lungsod wala na kini mohatag og maayong pagtagad kanila ug gani wala na usab mohatag sa “sign of peace” panahon sa misa.

Sa pakighinabi sa Banat News, ang usa sa mga lay minister nga wala magpaila nagkanayon nga gihulga pa silang paaplayon pagbalik sa pagka-lay minister apan kun mapakyas sila sa paghimo niini sulod sa tulo ka semana, paphaon sila sa katungdanan.

Apan matud pa ni Jojo Delegero, daku-daku sa mga pari sa Minister sa Minglanilla sa iyang kompisal ngadto kang Marlon Bellita sa DYAB nga andam silang makigtagbo sa mga lay minister aron masulbad kining maong krisis sa ilang parokya. (BANAT NEWS)