CEBU, Philippines - Giguba sa mga sakop sa demolition team sa siyudad sa Lapulapu ang 70 ka mga panimalay sa sitio Kitchen, barangay Pajo kagahapon subay sa kamandoan sa korte.
Ang maong luna gipanag-iya sa Mandaue Cebu Trade Center human kini midaug sa petition for eviction nga gipasaka ngadto sa korte.
Matud pa ni Court Sheriff Jasper Tajanlangit ang maong demolition order giluwatan kini ni Judge Manuel Sabello ug ila lang kining giimplimentar.
Pipila ka mga residente nga naapektuhan ang misupak apan misunod nalang sa kamandoan sa korte. Wala hinuoy kagubot nga nahitabo tungod sa presensya sa mga polis.
Nasayran sa Banat News nga posibleng sa barangay Canjulao ipahimutang ang mga gipalayas nga mga residente. - BANAT NEWS