Lima naghithit gidakop

CEBU, Philippines -  Lima ka mga batan-on ang nasikop sa kapulisan nga gipasanginlang nasakpan sa akto nga nagsuyop og marijuana daplin sa dalan o sa Ward-3 barangay Poblacion lungsod sa Minglanilla niadtong Miyerkules sa alas 9:25 sa gabii.

Ang mga nasikop mao sila si Jimmy Roberos, Lucky Plarisan, John Paul Abero, Kevin Abadilla, ug Roger Pionela, pulos mga molupyo sa maong lugar.

Ang kapulisan nakadawat og tawag sa telepono sa nagpailang concerned citizen ug nagpahibawo sa gibuhat sa mga batan-on daplin sa dalan hinungdan nga giadto kini nila ni SPO1 Roland Camillo ug mga kaubanan.

Sa pag-abot sa lugar naabtan pa sa mga polis ang mga suspek nga pulos nasurpresa pagkakita sa mga polis ug mag-iyahay unta sa pagpanibat apan dali silang naalirungan ug nadakpan.

Sa pagrekisa nakuha gikan sa ilaha ang lima ka linikit sa marijuana ug usa ka lighter ug gidala sa presinto alang sa pagpasaka og kaso. (BANATNEWS)