Pamalandong sa kaugalingon ang panawagan sa pari

CEBU, Philippines - Taliwala sa mga kontrobersiya nga nahitabo sa duha ka paring nadestino sa lungsod sa Minglanilla si Msgr. Roberto Alesna nanawagan sa mga tumutuo nga mamalandong sa ilang kaugalingon.

Tipik sa wali ni Msgr. Roberto Alesna, atol sa pagselebrar sa Santos nga Misa diha sa Capitol Building kagahapon isip selebrasyon sa Christmas party sa mga empleyado kini nagkanayon nga ang tanan apil na ang duha ka pari nga nabutang sa kontrobersya kinahanglang makamata tungod sa maong isyu.

“Maybe we have not spend much time kanang alone nga looking into nga naa tay hiwi nga kinaiya or crooked way of behaving or dealing with other people,” pasabot pa ni Alesna.

Midugang si Alesna nga oras na karun aron mag-usab sa atong mga tagsa-tagsa ka kinaiya nga nakalupig sa uban o nakapasakit sa ubang tawo.

 “Time to change is now, I hope each one of us value the time, these time is the day of preparation,” matud pa niini.

“Let us take some time consider and examine some crooked attitude, some crooked way of behaving, some crooked relationship that needs to be strengthen,” matud pa ni Alesna.

Sumala pa niya nga kinahanglang hatagan og bili sa tawo ang oras nga nanglabay kung wala ba mausik ang grasyang nangabot ug angayang isipon nga ang oras daw gipiyal sa Ginoo sa tawo ug nagkaanam og kapupos ug walay nasayod kung pila nalay nabilin.

“Time is the deposit each man had in the bank of God and no one knows of the balance... I hope each of us appreciate the value of time. I think ang panawagan lang is, let us always be ready, let us always be prepare,” pasabot pa ni Alesna.

Kahinumduman nga sa miaging semana, adunay duha ka pari sa lungsod sa Minglanilla ang gipasanginlang nakighilawas sa usa ka babaye samtang ang usa nanghinol og menor de edad nga sakristan.

Hinuon aduna nay diyalogo nga gihimo tali sa mga reklamante, sa mga pari ug sa kadagkoan sa simbahan sa Sugbu apan walay gipagawas nga resulta niini ngadto sa media. (BANAT NEWS)