Anti-obscenity prog. gipaboran

CEBU, Philippines - Kini aron masalbar ug maprotektahan ang mga babaye ug mga kabataan nga biktima sa Human Traffickers nga mopahimulos niini pinaagi sa pagpasulod sa cyber pornography aron makakwarta og dako.

Sumala pa ni LMP Cebu Chapter President, Nelson Garcia nga ila unya nga ipagawas ang ilang hiniusang baruganan pinaagi sa pagpasar og resolusyon nga maghatag sa ilang hugot nga suporta sa kampanya sa gobernadora.

Si Garcia kinsa mayor usab sa lungsod sa Dumanjug miingon nga nasibot sila sa pagsuporta sa laing kampanya sa gobernadora human ang Provincial Women's Commission subsob nga mituon sa mga kaso sa hilas ug law-ay nga mga sugilanon nga napublikar sa lokal nga pamantalaan ug ingon man sa mga law-ay nga mga pasundayag sa kalungsoran. (/WC) (BANATNEWS)