300 na-hire sa job fair
CEBU, Philippines - Mikabat sa 314 ka mga Sugboanon ang nadawat diha-diha dayon sa mga trabahong giaplayan nila atol sa gipahigayong job fair sa Public Employment Services Office (PESO) sa Provincial Capitol didto sa Cebu International Convention Center (CICC) sa dakbayan sa Mandaue sa miaging adlaw.
Si Dr. Mathea Baguia, nga maoy manager sa PESO miingon nga kapin sa 3 mil ka mga job order ang ilang gitanyag gikan sa 37 ka mga kompaniya apan 995 lamang ang mga aplikante.
Matud pa ni Baguia nga daghan kaayong mga gradwado sa high school ang nadawat sa mga giaplayan nilang trabaho.
Kasagaran kanila makatrabaho sa mga department store ug mga mall dinhi sa siyudad sa Sugbo kinsa nanginahanglan og mga trabahante niining panahon sa Pasko.
Ang nahisgutang job fair maoy kabahin sa 6 ka mga local ug overseas job fair nga ipahigayon sa PESO matag tuig. (BANAT NEWS)
- Latest
- Trending
