Priso sa city jail milayat

CEBU, Philippines - Milatay ngadto sa iyang kagawasan gikan sa Cebu City Jail ang usa ka piniriso kagahapon pasado alas-3 sa kaadlawon.

Ang nakaikyas mao si Arnel Beralde, 24, taga barangay Mambaling nga napriso niadtong Nobiyembre 21 ning tuiga tungod sa kasong frustrated homicide.

Ang Deputy Warden for Operation nga si Inspector Manuel Dela Peña mibutyag nga nakaeskapo si Beralde pinaagi sa pag-ambak sa pito ka metros nga bungbong gikan sa atop sa maong prisohan.

Matud pa ni Dela Peña nga iyang nabantayan nga adunay mikanaas sa sin hinungdan nga iyang gisusi apan mao nalay iyang nakita ang miambak na si Beralde.

“Gigukod sa ako mga tawo, apan baga man ang kakahuyan mao nga wala na namo naabtan,” pasabot pa ni Dela Peña.

Tungod niini, mipahigayon kini sila og hot pursuit operation diin aduna sila’y nasikop nga usa ka lalaki nga parehas og nawong ni Beralde apan sa diha nga gipaubos kini sa finger printing dili kini susama ug finger print ni Beralde. (BANATNEWS)