P260 mil danyos sa sunog
CEBU, Philippines - Usa ka balay ang naugdaw sa sunog nga miigo sa Espolarium St. sitio San Vicente sa barangay Duljo Fatima siyudad sa Sugbo kagahapon sa alas 10:00 pasado sa buntag.
Ang maong balay gipanag-iya ni Esperanza Fellizari.
Si Sr. Supt. Aderson Comar, Cebu City Fire Marshall nga nahinabi sa Bant News miingon nga nadawat nila ang alarma alas 10:44 sa buntag ug ila kining nakontrolar paglabay sa 10 minutos.
Si Comar nagkanayon nga base sa ilang pasiunang imbestigasyon nagsugod ang sunog sa ikaduhang andana sa kuwarto ni Alexandra Sibla nga katabang ni Fellizari.
Sa pagsulat ning balita kagahapon sa hapon wala pa matino sa kabomberohan unsay hinungdan sa maong sunog apan gibana-bana nga mikabat og P260 mil ang danyos sa maong sunog. (BANATNEWS)
- Latest
- Trending
