4 ka kompaniya mopalit sa MCIA

CEBU, Philippines - Upat na ka dagkong kompaniya ang buot mopalit sa yuta sa Mactan Cebu International Airport(MCIA) sa dakbayan sa Lapulapu.

Si MCIA General Manager Nigel Paul Villarete miila niini nga mao ang Robinsons Land Corporation, SM Prime Holdings,Filinvest Land Inc, ug Alaya Land Corporation.

Matud pa ni Villarete nga mahimong madugangan pa kini apan anha silang tanan magdaug kun ikapahigayon na ang subasta. Ang kompaniya nga labing taas og presyo nga itanyag , maoy hatagan og prayoridad   sa tagdumala sa MCIA.

Matud pa ni Villarete nga bulahan kaayo ang makapalit sa maong luna kay maayo kaayong pagkahiluna ilabi na kun ang tugpahanang bag-o adto ibutang sa Cordova nga di kaayo layo sa maong lugar. (BANATNEWS)