CEBU, Philippines - Ang ikatulong pagpamusil nahitabo sa sitio Banica sa barangay Quiot diin talandugon ang kahimtang ni Joel Guanzon, 20, kinsa nakaangkon og samad pinusilan sa luyong bahin sa ulo.
Si PO3 Violango nagkanayon dili mominos napulo ka mga batan-ong lalaking gidudahang miyembro sa gang maoy responsable sa krimen nga kalit mipusil sa biktima atol nga mopalit kini og sigarilyo.
Ang mga residente nakakita sa biktima nga nahagba na ug may samad pinusilan sa ulo human sa butobuto sa armas.
Nakuha sa kapulisan sa crime scene ang usa ka slug gikan sa wala pa matinong kalibre sa armas.
Matud ni Violango nga posibling gipareglahan lang ang biktima sa mga batan-on sanglit ang inahan sa biktima nga si Luzviminda miingon nga walay kontra ang iyang anak sa ilang lugar. - BANAT NEWS