CEBU, Philippines - Ang ikaduhang pagpamusil nahitabo diha sa sitio Bato Carbon sa barangay Ermita ala-1:15 kagahapon sa kaadlawon diin patay diha dayon ang usa ka tanod nga si Bonifacio Abayan Baguio Jr., 46, dihang nakaangkon og samad sa dughan ug upat sa iyang paa.
Nailhan hinuon sa kapulisan ang namusil sa biktima nga mao ang managsuong Rosendo alyas Junnie, Banot ug Wendel Dominguez nga silingan ra sab niini kinsa padayong gipangita sa kapolisan.
Si Elizabeth Abayan, 49, maguwang sa biktima mitug-an sa kapulisan nga sa wala pa pusila iyang igsuon gigukod niini ang usa sa duha ka suspetsado apan milanog dayon ang pito ka sunodsunod nga buto sa armas.
Natusaktusak sa bala ang dughan ug paa niini ug namatay dihadiha.
Matud sa igsuon nga niadtong Disyembre 4 ang suspek nga si Rosendo mipasangil sa iyang manghod nga mimaniobra sa linya sa kuryente sa balay sa ginganlan og Bonifacio nga miresulta sa ilang lalis.
Duha ka kabhang ug usa ka deformed slug gikan sa .45 nga kalibre sa armas ang nakuha sa crime scene. - BANAT NEWS