Upat gipamusil duha patay

CEBU, Philippines - Gihasi ang kapulisan sa dakbayan sa Sugbu sa upat ka sunodsunod nga pagpamusil sa miaging gabii hangtud kagahapon sa kaadlawon sa managlahing lugar dinhi sa dakbayan sa Sugbu nga mikalas og duha ka tawo.

Nakaangkon og samad pinusilan sa ulo si Uldarico Vergara Conception, 40, residente sa sitio Lomboy sa barangay Inayawan ug dispatser sa dalan Colon .

Usa ka 18-anyos ang mitug-an ni PO3 Ruth Violango sa Homicide Section nga alas-9 sa gabii nagbarog ang biktima atubangan sa usa ka tindahan sa merkado sa Inayawan ug nagtan-aw sa nagduwa og ‘dama’ dihang kalit lang miabot ang usa ka wala mailhing mamumuno diretso og pusil ngadto sa luyong bahin sa ulo.

Human sa hitabo, nahanaw usab sa maong dapit ang mamumuno. Ang mga sakop sa Emergency Rescue Unit Foundation (Eruf) nga misuway pagtabang sa biktima apan zero-zero vital sign ug gideklarar nga patay na ang biktima.

Wala pa matino kung unsay motibo sa mamumuno pagpatay sa biktima.  - BANAT NEWS