Army reservist sa lungsod sa Dumanjug

CEBU, Philippines - Ang 7th Regional Community Defense Group (7RCDG) sa Army’s Reserve Command nagpahigayon og usa ka mass oath taking ug pinning sa mga ranggo sa mokabat 98 ka mga reservists sa lungsod sa Dumanjug sa milabay’ng Nobiyembre 23 ug 26.

Si Retired Colonel Ceferino Layao, ang kasamtangang Division Commander sa 19th Ready Reserve Division maoy mipanumpa sa mga reservists pinaagi sa oath of enlistment isip mga non-commissioned officers sa reserve force.

Upat ka adlaw human sa oath taking, gipahigayon usab ang pinning of ranks ngadto sa mga reservists pinanguluhan ni Mayor Nelson Garcia ug sa iyang mga konsehal nga nagranggo og Sergeant samtang ang ubang reservists gihatagan sa rank nga Private.

Si Col. Raymundo Bañares Jr., Commanding Officer, 7RCDG miingon nga kining mga reservists nakalampos sa pag-apil sa Community Defense Disaster Risk Reduction Management Training (CDDRRMT), ang flagship program ning ilang unit, Office of Civil Defense ug sa Cebu Provincial Government unya karon ilakip na usab sila sa Army’s Reserve Force.

Gawas pa niini nag-agi usab sila og nagkadaiyang pagtuon, training, orientations ug pagbansay bansay sa disaster relief and rescue operations, fire prevention ug suppression, fight against illegal drugs and illegal fishing, environmental protection, maintenance on peace and order and other related socio-economic activities nga gipahigayon sa lungsod karong tuiga.

Si Dumanjug town mayor Nelson Garcia ang pinasidunggang dinapit atol sa oath taking ceremony mapasalamaton sa gibuhat sa Army 7RCDG pagpalig-on ug pagpalapad pa sa recruitment sa reservists ilabi na sa iyang lungsod.

Si Garcia nagkanayon nga makatabang sa pagsumpo sa kriminalidad ug pagmentinar sa kahapsay ug kalinaw ang mga reservist.

Giagni karon ni Garcia pinaagi sa ganti nga P10 mil kung makatabang sa pagsumpo sa problema sa ilegal nga drugas samtang P5 mil sa makasumpo sa masiao o uban pang illegal nga sugal, problema sa insurhensya ug kalamidad.

Si Garcia ug uban pang konsehal sa lungsod gipaabot nga ma-promote ngadto pagka commissioned officers kun maproseso ang papeles isip mga elected officials base sa Republic Act 9077 nga elected ug appointed public officials pwede ma-commissioned officer sa reserve force. (BANATNEWS)