Midasmag sa 7 ka sakyanan gikasohan na

CEBU, Philippines - Napasakaaan na og kaso ngadto sa hukmanan ang driver sa 10 wheeler truck nga midusmog sa pito ka mga sakyanan ug mipatay sa usa ka abogado, samtang miangol og laing upat ka tawo sa miaging adlaw.

Ang suspetsadong driver mao si Victoriano Bitoon, 31, nagtingkagol   karon sa prisohan sa Basak Police Station.

Kasong reckless imprudence resulting to homicide, multiple physical injuries and damage to property ang iyang giatubang.

Ang namatay nga si manlalaban Rogelio Yaun, 68, taga barangay Antipolo, lungsod sa Carmen apan kasamtangang nagpuyo sa barangay Jagobiao, dakbayan sa Mandaue maoy kanhi manager for administration sa Mactan Cebu International Airport ug sakop sa Free Legal Assistance Group.

Ang mga naangol mao sila si Lodelyn Sotto ug ang anak niini nga si Sarah Jean, 3 , Gerald Francis Yaun, 28, ug Gilbert Baliguat.