AFP chief nagpasalamat sa LGUs

CEBU, Philippines - Gisaulog kagahapong adlawa sa ika-10 nga tuig ang Central Command gikan sa pagkatukod niini.

Atol sa speech sa hepe sa Armed Forces of the Philippines , Lt. Gen. Ralph Villanueva mihulagway kini nga ang pagkamugna sa command mitandog og dekadang metamorphic transformation gikan sa Visayas Command ngadto na sa Central Command.

Nasayran nga ang Centcom na-organisa niadtong buwan sa Disyembre 1 tuig 2001 diin isip usa kini ka operating unit sa AFP aron sa pagkontrolar sa internal security operation lukop Kabisay-an ug aron usab mag-establisar ang kalinaw ug kahapsay.

Gawas niini, aron usab mo-asister sa mga local government agencies ngadto sa socio economic, ecological ug developmental activities.

 “In this decade, various campaigns and programs conducted by Centcom that immensely reduced the presence of the insurgence and brought better delivery of social services and empowered civil governance at the grassroots,” pasabot pa ni Villanueva.

Mibutyag usab si Villanueva nga ila gyud nga nakuha ang ilang gipangandoy nga mamentenar ang kalinaw ug kahapsay sa Kabisay-an sa diha nga nadeklarar ang pipila ka lugar nga insurgent-free.

Kini mao ang lugar sa Sugbo, Bohol, Biliran, Siquijor, Guimaras, ug Southern Leyte kini tungod usab sa tabang nga gihimo sa mga LGUS ug PNP nga mi-asister kanila aron mamentenar ang kahapsay ug kalinaw.

“Our multitude successes happened because of the sincere effort of the LGU, PNP counterparts and well-meaning civic organizations,” pasabot pa ni Villanueva.

Atol sa maong kasaulogan, mipasidungog ang Central Command sa pipila niini ka mga sakop ug indibidwal nga nakatabang sa ilang mga programa. 

Ang nahatagan og pasidungog mao ang Managing Editor sa The Freeman nga si Nimrod NL Quiñones, Lt. Col. Edwin Ureta (General Staff Corps, Philippine Navy); Maj. Cris Anthony Morales (Philippine Army); Sgt. Rodrigo Cutamora Jr. (Member of the crew rescue personnel); Master Sgt. Rodrigo Bayabos (Infantry, Philippine Army); PFC Joy Dela Peña (Enlisted, Philippine Army); QM3 John Distrito (Philippine Navy); Anna Nimfa Medrano (Civil Employee); Maita Mangalapuz (Vice Governor, Rotary Club International) ug Ma. Emma Ramas (President, Destiny Medical Fund Inc.). (BANATNEWS)