CEBU, Philippines - Samdan sa iyang kilid ug nalandig sa tambalanan ang usa ka lalaki human dunggaba sa usa ka tiguwang nga silingan sa miaging gabii diha sa sitio Wak-wak sa barangay Tinago siyudad sa Sugbu.
Ang biktima giilang si Daniel Pepito, 40, nakaangkon og samad dinunggaban sa tuong bahin sa lawas, nadakpan hinuon sa kapulisan ang suspetsadong si Eilalio Osabel, 76.
Si Loreta Ambayan, 40, taga Univille sa barangay Banilad mitug-an nilang PO3 Geoffrey Gutual sa Homicide Section nga nagbarog ang biktima duol sa haya sa namatay nga amahan diha sa kapilya dihang kalit milipot ang suspek ug gidunggab kini sa kilid.
Matud pa sa suspetsadong si Osabel sa kapulisan nga iyaha lang giunhan si Pepito tungod kay gibaharan sila niining pamatyon tungod sa ilang panagbangi kabahin sa gikutay nga wire sa kuryente sa balay sa biktima nga diha gipalusot sa balay sa suspek. (BANATNEWS)