CEBU, Philippines - Gitakda sa Visayan Electric Company (VECO) karong buntag ang pagsang-at sa kasong criminal batok sa usa sa mga dakong kompaniya dinhi sa Sugbo sa kalapasang may labot sa anti-pilferage law.
Si Ethel Natira, tigpamaba sa VECO mibutyag sa Banat News nga karong alas 8:30 sa buntag adto nila isang-at sa Cebu Prosecutor’s Office ang maong kaso.
Sumala pa ni Natira nga paninglon nila gikan sa maong kompaniya kansang ngalan wala nila ibutyag ang kantidad nga P168 milyones bunga sa kapakyas niini sa pagbayad sa angay nilang bayranan sa ilang konsumo sa kuryente.
Matag karon ug unya ang Veco mopublikar sa mga lokal nga pamantalaan kutob sa mga customer nilang makonbikto sa kasong may labot sa tinuyo nga paglikay pagbayad sa angay nilang bayran sa gikunsomo nilang kuryente. (BANAT NEWS)