CEBU, Philippines - Duyog sa pagsaulog sa ikaduhang anibersariyo sa Maguindanao Massacre ang mga sakop sa media sa Sugbo mipahigayon og usa ka Santos nga Misa kagahapon didto sa Sto. Rosario Parish agi'g pahinungod sa mga kaubanan sa buhat nga apil sa mga gipamatay didto sa lalawigan sa Maguindanao niadtong Nov.23 sa miaging tuig.
Ang mga sakop National Union of Journalists of the Philippines (NUJP) sa Sugbo, mipadayag sa ilang hangyo sa kagamhanan nga ipadali ang pagsilot sa mga kriminal sa linuog nga pagpatay sa 50 kapin ka kinabuhi nga naglakip sa 30 kapin ka mga sakop sa media.
Lahi sa gibuhat sa kaulohan, simple lang ang mga seremonyas sa maong paghandom nga gihimo sa mga membro sa Cebu media. (BANAT NEWS)