Namasangil sa T. Enforcer nag-sorry

CEBU, Philippines - Ang drayber sa traysikad nga mipasangil sa traffic enforcer nga nangulata kaniya mao karoy nangayo og pasaylo sa nahitabo ug mihangyong dili mapasakaan og kaso.

Si Victor Meloren kinsa nagtingkagol sa Talisay City detention cell nga nahinabi sa mga tigbalita kagahapon sa buntag nagkanayon nga dili siya motugot nga pasakaan og kaso sa enforcer.

“Mangayo lang ko og pasaylo niya,” matud ni Meloren ug subling miesplikar nga tungod sa kasakit sa pagkulata niini kaniya ug igo ra siyang misuway og sukol.

Gihimakak ni Meloren ang pasangil nga nanghagad niya og sukmagay si Abaquita dihang gipapahawa siya niini sa iyang giparadahan niadtong Huwebes sa buntag atol nga nanakop ang Task Force Alpha sa mga traysikol nga magpundo ilawom sa flyover sa Tabunok.

Kagahapon sa hapon si Meloren ug Abaquita nag-abot diha sa Talisay City Police Station ug kini mihangyo sa enforcer nga pasayluon na lang siya. (BANATNEWS)