Imported nga karne menus karon - NMIS

CEBU, Philippines - Walay angay kabalak-an ang mga local meat supplier bahin sa mga karneng gikan sa gawas   kay menus ra ang   pagdagsa niini karon dinhi sa nasud, sumala sa National Meat Inspection Service (NMIS-7).

Si Dr. Alvin Leal sa NMIS-7 nga nahinabi sa Banat News mibutyag nga gumikan sa kamahal sa presyo sa mga karneng imported , dyutay ra ang mangompra niini nga mga lokal nga negosyante og karne.

Matud pa ni Leal nga hangtod pa sa sunod tuig magpabilin pang menus ang pagdagsa sa maong mga karne dinhi sa Pilipinas.

Hinuon matud pa niya nga dili usab mabalaka ang mga lokal nga supplier og karne tungod kay abunda kaayo ang Pilipinas karon sa lokal nga karne.

Ang maong pamahayag gihimo ni Leal human motumaw ang kabalaka sa pipila ka mga local meat supplier nga modagsa na usab unya ang mga imported meat tungod kay nagsingabot man ang Pasko diin ang mamalitay mopili og menus nga presyo sa maong palaliton. (BANATNEWS)