Luigi misugid sa iyang mga proyekto

CEBU, Philippines - Sukwahi sa pagtuo sa uban, ang batan-ong kongresista sa sixto distrito Congressman Gabriel Luis “Luigi” Quisumbing mipahibawo nga ubay-ubay na sa iyang mga proyekto ang napatuman sulod lamang niining tuiga 2011.

Nag-una sa nahuman nga infrastructure project ni Quisumbing sa siyudad sa Mandaue mao ang P9.1 milyones nga pag-ayo sa national road gikan sa Subangdako hangtud sa atubangan sa simbahan sa lungsod sa Consolacion.

Lakip na usab niini ang P4.5 million nga road repair sa dalan F. Cabahug hangtud sa Logarta road, P4.5 million nga pag-ayo sa dalan Hernan Cortes road, P3.8 milyon nga pagpa-aspalto sa Canduman road, P2.4 million nga 2 class rooms sa Pagsabungan Elementary School,

P 1.1 million nga multi-purpose building sa Paknaan Elementary School, P898 mil nga flood control structure repair and maintenance sa Butuanon Bridge, P680 mil nga 6 classroom school building sa Subangdako Elementary School ug P586 mil nga pag-ayo sa Multi-Purpose Building sa Comprehensive National High School.

Samtang didto sa lungsod sa Consolacion nakompleto usab ang P8.2 milyones nga road concreting project sa Jugan-Tayud barangay road, P6.4 milyones nga pagpaayo sa North Hagnaya Wharf Road ug P1.4 milyones nga pagtukod sa Multi-Purpose building sa Tayud Elementary School.

Didto usab sa lungsod sa Cordova, hingpit na nga nahuman ang P4.6 milyones nga pag-repair sa Mactan Circumferential Cordova section, P1 milyon nga flood control structure sa Pilipog Bridge, Revetment I & II, P484 mil nga classroom repair sa Ibabao Elementary School ingon man sa Day-as ug Pilipog Elementary School nga pulos nagkantidad og P242 mil.

Si Quisumbing miingon nga may dugang pa siyang mga proyekto nga nasugdan na sa pagtuman ug posibling mahuman sa dili pa matapos ang tuig 2011.

Dugang pa niya nga iyang gisiguro nga madali og human ang iyang mga proyekto sa sixto distrito sa dili pa ang tuig 2013 aron daghan usab siyang maipakita sa katawhan sa iyang distrito ug nagpasabot kini nga naglihok ang iyang buhatan sa pagtabang sa iyang konstituwente.  (BANATNEWS)