Miadto sa menteryo balay gilungkab

CEBU, Philippines - Igo nalang sa pagtibi ang usa ka asawa   human sa iyang pag-uli gikan sa menteryohan nahanaw na daw aso ang iyang wala maihap nga salapi, alahas ug mga mahalong butang sulod sa iyang gilungkab nga balay sa sitio Catadman sa barangay Sabang, dakbayan sa Danao sa miaging hapon.

Ang biktma mao si Floravel Raman, 26, minyo, nga nagpuyo sa maong dapit, samtang    ang suspetsado nailhan lang sa ngalang Rico nga taga barangay Maslog sa maong dakbayan.

Si SPO3 Ildefonso Prosia nga nahinabi sa Banat News miingon nga walay nahibilin sa balay sa biktima sanglit miadto kini   sa sementeryo.

Matud pa ni SPO3 Prosia nga sa pagpauli sa biktima nahingangha nalang kini dihang gisugat sa iyang iyaan nga si Jasmin Manulat ug mipahibawo nga gilungkab ang iyang balay.

Dihang gisusi sa biktima   ang iyang   balay   nasuta nga naabli na ang luyong pultahan niini. Ang nasakiyo naglakip sa computer, DVD player, electric fan, mga alahas nga wala matino ang kantidad nga gisulod sa kahon ug salapi nga wala usab matino ang gidaghanon.

Si SP03 Prosia miingon nga gipangita pa nila karon si Rico. - Romeo T. Limpangog/WC (BANAT NEWS)

Ni Romeo T. Limpangog