Tiyan sa delivery boy natuhab

CEBU, Philippines - Natuhab ang tiyan sa usa ka delivery boy sa softdrink human kini dunggaba samtang natulog sa parkinganan sa   barangay Dapitan, lungsod sa Cordova sa miaging gabii.

Ang biktima mao si Lyndon Delima, 32, ulitawo n ga nagpuyo sa maong dapit, samtang ang suspek nailhan usab nga si Danilo Montero alyas Danny Babby, 30, lumad nga taga barangay Sta, Rosa isla sa Olango, dakbayan sa Lapulapu.Si PO2 Samson Igot, sa Cordova Police Station mibutyag sa Banat News nga naghigda   ang biktma sulod sa usa ka multicab  nga giparking duol sa warehouse sa softdrink nga iyang gitrabahoan.

Dihang nakita kini sa suspetsado nga nagbay-ad nga puwerting hagoka unya naghukas sa senina, milanit sa iyang kutsilyo ug giluba ang tiyan sa biktima.

Gumikan sa kasakit, nakasinggit ug nangayo og panabnang sa iyang kauban ang biktima, samtang ang suspek   mikaratel dayon og dagan pahilayo sa maong dapit.

Gihatod dayon ang biktima ngadto sa Lapulapu District Hospital kansang tiyan nabuslot na sa dinuggaban samtang ang suspek padayon pang gipangita sa kapolisan .

Nagtuo ang mga polis nga may karaang panagdumot ang duha.  - BANAT NEWS