Task Force mosikop sa mga dump truck

CEBU, Philippines - Gawas sa mga kapolisan ug mga environmental agency sa gobiyerno, ang kagamhanan sa lalawigan sa Sugbo mitahas usab sa Cebu Provincial Anti-Illegal Fishing Task Force (CPAFTF) sa pagpanakop sa mga dump truck nga makalapas sa balaod.

Si Governor Gwendolyn Garcia miingon nga iyang gihingusgan ang higpit nga pagpatuman sa balaod sa pagsikop niadtong mga dump truck sa mga gihatagan og permiso nga  makapangubkob og bas ug graba nga wala motuman sa gitugot nga gidak-on sa dump truck nga igo lang kakargahan og 10 cubic meter.

Kini ang hinungdan nga gipasalmot ni sa gobernador   ang Provincial Anti Illegal Fishing Task Force sa ilang mga operasyon. Aron makatabang pagbantay sa mga dump truck nga malapason sa balaod.

Matud pa ni Garcia nga nakahukom siya sa paghimo niini human mabasa niya ang sulat gikan sa Mines and Geosciences Bureau (MGB) nga nagpahibawo nga daghan kaayong mga mangargahay og bas og graba nga higante pa kaayo og mga sakyanan.

Human masayri ang maong tinguha sa gobernador ang coordinator sa CPAFTF nga si manlalaban. Jose Maria Gastardo mibahad nga moapil sila sa dinakpanay tungod kay may pagtugot usab sila gikan sa   Land Transportation Office (LTO). - Chester Abadilla/WC (BANAT NEWS)