6 apil bata sikop sa pot session

CEBU, Philippines -  Unom ka mga lalaki ang gidakop human pasanginling nag-pot session sa dalan F. Ralota sa barangay Poblacion sa dakbayan sa Danao alas-10 pasado ang takna sa miaging gabii.

Ang nadakpan mao sila si Ronel Sotto, 24, taga Sandayong Sur, dakbayan sa Danao, Jolito Velasquez, 40, drayber og traysikad, Ronald Barcenas, 31, Roel Parame, 35, Alexander Hermoso, 34 ug usa ka 15-anyos nga pulos nagpuyo sa maong dakbayan.

Si SPO4 Edgar Gomez sa kapolisan sa maong lungsod miingon nga ang unom nadakpan sa nagpatrolyang sakop sa mobile patrol group human sila masigpating nagpulipuli sa ‘pagsuyop’ og shabu sa usa ka payag.

Ang unom gipasakaan og kasong kalapasan sa Republic Act 9165 kon Comprehensive Dangerous Drugs Act of 2002 apan ang bata gi-turnover nila ngadto sa Women’s Desk aron maoy mohimo og aksyon bahin niini.

Nasakmit ang mga tinfoil ug mga plastic sa shabu nga maoy ilang gigamit sa paghingos niini. (BANAT NEWS)