CEBU, Philippines - Pagkaon -3(2c) Ang pagkaon, sa miagi gihisgutan nato nga kini adunay sukdanan ug ang pamaagi niini. Bisan nakat-on na kita ug maantigo na magdiyeta o mopili sa kaunon, gikinahanglan usab masayod ta kun unsaon pagtan-aw o pagpreparar sa pagkaon nga di mawa ang sustansya nga anaa niini.
Ang tanang lutuonon nga lat-anan pa sama sa karne o monggos, mas maayo nga pressure cooker ang gamiton, kay sirado kini. Menus kaayo ang inalisngaw, nga makapawa sa sustansya sa gilat-an o linuto.
Mahimo sab nga magpabukal ka una og igong gidaghanon sa tubig aron di moawas, dayon anha pa ilunod ang lat-onon. Ayaw gayud ukbi hangtud malata o makarkulo nga lata na kini. Ayaw paawasa kay mausik o mawa ang sustansya. Ang sabaw niini maoy gamita sa pagluto, ayaw iyabo kay naa diha ang ubang sustansya sa gilat-an.
Ang mga beans o monggos, aron dali malata, humoli sa tubig igkagabii pagkaugma na magpabukal daan og tubig nga igo lang molapaw gamay sa lat-onon. Sama sa kalbasa o gabi, magpabukal sad una og igong gidaghanon sa tubig dayon ilunod kini. Unya, pun-ig tubig kun mag-utan ug pabukalon nga di paawason. Dayon, dungana paglunod ang mga dahong utanon. Itugsaw lang ayaw ukay-ukaya kay malata. Humag timpla takobi og balik. Dangtag minuto, pagngi sa kayo ang stove. Pasagdi kadiyot, pagkataudtaod ukbig balik luto na. (BANATNEWS)