Lalaki gitabanga'g tigbas sa managsuon nga iya rang ig-agaw

CEBU, Philippines - Usa ka lalaki ang gitabangan og tigbas ug gikulata hangtud namatay sa magsuong iyaha rang ig-agaw diha sa barangay Tubod-Bitoon sa lungsod sa Dumanjug niadtong Domingo sa buntag.

Ang biktima mao si Bernardino Jacolbe, 39, nga dunay daghang samad tinigbasan sa iyang kalawasan pasado alas 6:40 sa buntag niadtong Domingo.

Nadakpan sa susamang adlaw sa crime scene ang managsuong sila si Artemio Jacolbe, 22 ug manghod niini nga si Arnel Jacolbe, 18.

Si SPO3 Felipe Vibar, imbestigador sa Dumanjug Police Station nagkanayon nga sa wala pa ang krimen nagkuyog si Artemio, asawa sa biktima ug sa 16-anyos nga anak pauli gikan sa disko ug nasukmatan sa biktima ang asawa.

Dangtan pila ka oras nakadungog nalang si Jessie og komosyon sa gawas ug dihang iyang gisusi nakit-an nalang niya ang bana 20 metros gikan sa ilang balay nga nagbuy-od na ug wala nay kinabuhi ug dunay daghang samad tinigbasan.

Giingong miangkon ang asawa sa biktima nga may relasyon kini sa suspek nga si Artemio. (BANATNEWS)