Suweldo ni Gwen ihatag sa mga madre

CEBU, Philippines - Misaad si Governor Gwendolyn Garcia nga dili niya dawaton   ang   iyang suweldo isip gobernador sa lalawigan sa Sugbo karong bulan sa Oktobre.

 Kini tungod kay ang iyang usa ka bulan nga suweldo iya nang gigahin ug gisaad nga ihatag niya ngadto sa Sisters of Mary Boys Town sa Minglanilla ug Girls Town sa dakbayan sa Talisay.

Matud pa ni Garcia nga ang iyang pagdonar sa iyang sweldo ngadto sa labing nanginahanglan nga   pundok ilabi na sa mga balay sa kalooy alang   sa mga kabus nga kabataan naandan na niyang gimbuhaton matag tuig atol sa kasaulogan sa iyang adlaw   nga natawhan sa Oktobre 12.

Lakip sa naandang kalihukan sa pagsaulog niya sa iyang adlaw nga natawhan mao ang paghalad og prutas, mga pagkaon ug santos nga misa ngadto sa Carmelite sisters, Pink Sisters ug Poor Claire Sisters agi og pagpasalamat sa mga grasya nga iyang nadawat sa tibuok tuig. (BANATNEWS)