Crane nalimbuwad

CEBU, Philippines - Usa ka crane sa usa ka construction site sa gitukod nga building diha sa Asia Town I.T Park sa eskina sa barangay Apas ning dakbayan ang natumba ngadto sa lungag nga gikubkob, swerteng walay nasakitan sa maong aksidente. Matud pa sa Project Manager Roy Despeus sa maong construction site nga miscalculation sa leader ug sa operator ang nahitabo maong nahagsa ang maong crane.

 Ang boom sa maong 50 toneladang crane didto nabunal sa gikubkob nga pundasyon nga niadtong tungura walay tawo, giingong nasubrahan og ‘extend’ ang boom sa maong crane ug tungod sa kabug-at naalsa ang lawas niini.

Ang gitukod nga mga building adunay kapin 200 ka trabahante.

Sa pagsuwat niining balita nagpakuha na og 180 tons crane nga maoy mokuha sa maong crane. (BANATNEWS)