14 ka NGO misuporta sa 'Power Off'
CEBU, Philippines - Mokabat sa 14 ka mga non-government organizations (NGOs) ang mihatag og suporta sa programang “Power Off” kagabii nga gipasiugdahan sa Freedom from Debt Coalition (FDC) Cebu pinaagi sa pagpamawong sa mga suga sa mga kabalayan ning dakbayan sa Sugbo sulod sa tunga sa oras gikan sa 7:30 p.m. hangtud sa alas 8 sa gabii.
Sumala ni Jose Aaron Pedrosa Jr. ang secretary general sa FDC nga ang maong programa nagsimbolo sa pagsupak sa katawhan sa pagsaka sa bayranan sa kuryente.
Samtang si Konsehal Alvin Dizon misaysay nga angayang magdaginot na ang tanan sa paggamit sa kuryente ug dako siyang supak sa sugyot sa mga power company nga patas-an ang bayranan sa kuryente og 40 centavos matag kilowatt-hour.
Ang FDC misang-at og petisyon ngadto sa Energy Regulatory Commission aron ibasura ang maong sugyot. - BANAT NEWS
- Latest
- Trending
