Nanion og toy gun sa karsel mitugpa
CEBU, Philippines - Usa ka 25-anyos nga lalaki ang gipadakop human manghadlok og mga tawo gamit ang usa ka pusil-pusil kagahapon sa buntag diha sa barangay Lawaan I, dakbayan sa Talisay.
Ang suspetsado mao si Alvin Cabigas, residente usab sa maong barangay nasikop nila ni SPO2 Raul Bacayo, PO3 Jude Enemecio, PO2 Achilles Cabando ug PO2 Antonio Asoy.
Ang mga biktima mao ang magsuong Pantilog nga sila si Jason, 19, Mary Ann ug Haiza Marie nga residente nangayo og tabang sa mga polis tungod sa kalit nga pagbutho sa suspek sa ilang atubangan dayong tion sa gibitbit nga ‘pusil.’
Sa ilang kahadlok midangop sila sa kapolisan, apan dihang nadakpan si Cabigas toy gun ra diay kini nga replica sa .9mm nga pistola nga dunay marking KWC model M92FS.
Base sa imbestigasyon sa kapolisan nga ang tulo ka mga biktima paingon na kining mopauli gikan nga nagbilar.
Ang suspetsado giingong kalit miduol ngadto sa mga biktima ug gusto silang pamusilon niini sa dalang duwaan nga pistola.
Ang tulo nagtuo nga tinuod ang dalang pistola sa suspetsado hinungdan nga gipangbati og kalisang dayon nanawag og polis. (BANATNEWS)
- Latest
- Trending
