Masuso gilabay sa taytayan

CEBU, Philippines -   Patay’ng lawas sa batang masuso napalgang naglutaw sa tubig sa Tipolo Bridge sa dalan M.C. Briones sa barangay Tipolo, dakbayan sa Mandaue alas 9 pasado ang takna kagahapon sa buntag.

Si PO2 Marvin Fegarido sa Investigation Detection and Management Bureau (IDMB) sa Mandaue City Police Office (MCPO) miingon nga ilang nadawat ang taho gikan kang Tito Miranda, chief barangay tanod sa barangay Tipolo.

Ang maong patay’ng lawas nga lalaki gibanabanang anaa na sa walo ngadto sa siyam ka bulan.

Nagtuo sila sa kapolisan nga gihimugso na gikan sa sabakan sa wala pa hiilhing inahan ug gilabay sa tubig sa Tipolo Bridge nga hubo ang kalawasan. Nagtuo si Fegarido nga gikan sa laing lugar ang maong patay’ng lawas ug gianod lamang kini sa maong dapit sa barangay Tipolo. (EIM)(BANAT NEWS)