Rama di gyud mobayad sa yuta'ng Rallos

CEBU, Philippines - Lig-ong barogan ni Mayor Michael Rama nga dili bayran ang P133 milyones nga gipaningil sa korte alang sa yuta sa pamilyang Rallos nga gihimong karsada sa syudad.

Kini human inspeksiyona sa mayor ang   3,000 metro kuwadrado nga lote nga nahimutang sa Barangay Sambag 1 niining dakbayan ug didto nasuta ni Rama nga aduna na’y namuyo niini.

“Dili na nato binuangan ang kuwarta sa katawhan. Kung ato nang bayran , nag-usik usik lang ta sa buwis sa katawhan,” matud pa ni Rama.

Nagkanayon si Rama nga dili angayan nga bayran ang maong yuta sanglit yuta kini sa katawhan ug nadeklarar nga “road lot” sukad pa niadtong 1941.

“Dili ta mo-surrender ana, atong protektahan ang buhis sa katawhan,” pintok nga pamahayag ni Rama. - Sanden Anadia/WC (BANAT NEWS)