Mi-overheat nga suga miugdaw sa balay

CEBU, Philippines -  Naugdaw ang usa ka duha ka andanang panimalay sa sitio Pakpakan sa barangay Basak dakbayan sa Lapulapu kagahapon sa buntag.

Ang panimalay gipanag-iya ni Joey Villaros nga gituohang gikan sa mi-overheat nga suga nga mibuto.

Sa pasiunang imbestigasyon ni SFO2 Climaco Salisid posibleng nabiyaan sa tagbalay ang suga nga nagsiga ug wala mabantayi nga nag- overheat na kini hinungdan sa pagkasunog sa wire.

Hinuon wala na kini makakatap sa laing panimalay gumikan kay naabtan kini sa mga bombero ug nakontrolar dayon sulod lang sa usa ka minutos apan mibilin og danyos nga P120 mil.

Mipahimangno ang kabomberuhan nga kinahanglang pagngon ang mga de-kuryenteng kabtangan kung mamiya sa balay aron kalikayan ang susamang hitabo. (BANAT NEWS)